Reyting qanday hisoblanadi

Oltita yo'nalish

1. Quruvchi - 25%

   Quruvchining rasmiy tekshiruvi (orginfo.uz, davlat ro'yxatlari, yangiliklar), kompaniya yoshi, uning boshqa majmualari: nechtasi topshirilgan, nechtasi to'xtagan yoki muddatidan kechikkan.

2. Topshirish - 20%

   Uy topshirilganmi, muddatda qurilyaptimi yoki necha yil kechikkan, qurilish to'xtaganmi. Quruvchining kechikkan loyihalari ulushi ham hisobga olinadi.

3. Joylashuv - 15%

   Eng yaqin metro bekatigacha piyoda masofa. Joylashuvi faqat manzil bo'yicha topilgan majmualar uchun ta'sir yarmiga kamaytiriladi.

4. Narx - 15%

   1 m² narxi shu tuman va shu sinfdagi majmualar o'rtachasiga nisbatan, bo'lib to'lash muddati va boshlang'ich to'lov.

5. Qurilish - 10%

   Sinf, devor materiali (monolit, g'isht, blok), ship balandligi, yer osti parkovkasi.

6. Fikrlar - 15%

   2GIS'dagi baholar (sotuv ofislari yarim og'irlikda) va saytda tasdiqlangan xaridorlar fikri (1,5 og'irlikda). Kam baho bo'lsa, natija shahar o'rtachasiga tortiladi (Bayes o'rtachasi, 15 ta baho).

Qoidalar

• Ma'lumot yo'q yo'nalish o'rtacha (6) deb olinadi: ikki-uchta yaxshi raqam bilan majmua yuqoriga chiqib ketmaydi.
• Ishonchlilik: yo'nalishlar og'irligining 80% va undan ko'pi bo'yicha ma'lumot bo'lsa - yuqori, 55% dan - o'rta, undan kam - past. 35% dan kam bo'lsa, reyting ko'rsatilmaydi.
• Qurilishi to'xtagan yoki rasmiy tekshiruvda "Xavf" chiqqan majmua 4 dan, muammo belgisi bor majmua 5,5 dan yuqori baho olmaydi.
• Quruvchilar reytingga pul to'lab ta'sir qila olmaydi. Xato topsangiz, majmua sahifasidagi manbalar bo'yicha bizga yozing.